Ugu yaraan 11 ruux oo shacab ah ayaa dhimatay, halka in ka badan 10-kalena ay dhaawacmeen, kadib duqeyn culus oo ka dhacday xarumo ay la haayeen ururka Taliban.
Xarumaha la duqeeyey ee Taliban ayaa ku yaalla gobolka Kunduz ee waqooyi bari dalka Afghanistan.
War-saxaafadeed kasoo baxay kooxda Taliban ayaa duqeymahaas loogu tiiriyey ciidamada dowladda Afghanistan, iyagoo sheegay ay halkaas ku dileen ku dhawaad 40 ruux oo shacab ah.
Hasa yeeshee Taliban ma aysan ka hadlin waxyeelada ka soo gaartay dagaalamayaashooda.
Dhanka kale mas’uuliyiinta wasaaradda gaashaandhigga ee dowladda Afgaanistan ayaa sheegay in kooxda Taliban ay duqeymahaas uga dileen in ka badan 40-dagaalame.
