Hay’adda Nabad-sugidda iyo Sirdoonka dowladda Federaalka Soomaaliya ee NISA, ayaa shaacisay, in ay gacanta ku dhigtay 79 tan oo maadada Sulfuric Acid (H₂SO₄) oo loo adeegsado samaynta Qaraxyada.
Qoraal lagu daabacay barta Twitter-ka ee hay’adda NISA, ayaa lagu sheegay in sidoo kale la qabtay shakhsiyaadkii dalka soo geliyay maadada, kuwaas oo doonayay in ay u gudbiyaan Al-shabaab.
Baaritaanka maadadan waxa ka wada-shaqaynaya NISA iyo hay’adaha ay iska kaashadaan La-dagaallanka Argagixisada sida lagu caddeeyay Qoraalkaas.
Sidoo kale, NISA waxay sheegtay in Sharciga la marin doono shakhsiyaadka lagu qabtay maadada ‘H₂SO₄’ oo doonayay in ay u gudbiyaan Al-shabaab, si ay qaraxyo uga samaystaan.
Xafiiska Wararka Muqdisho.
Info@aragticusub.com
