Sii haayaha Wasiirka Maaliyadda ee Xukuumadda Xilgaarsiinta Dalka Cabdiraxmaan Ducaale Beyle ayaa aaladda fogaan aragga ee Zoomka shir kula yeeshay Danjiraha cusub UK ee Soomaaliya Kate_Foster iyo xubno kale oo arimaha horumarinta u qaabilsan UK.
Qoraal kooban oo uu wasiirka soo dhigay bartiisa face buugga ayuu kaha hadlay kulanka uu la yeeshay safiirka Uk ee Soomaaliya:
“Waxa aan ka wada hadalnay xoojinta xiriirka wada shaqeyn ee Dowladda UK, dib-u-habeynta Maaliyadda iyo xaaladaha deg degga ah ee COVID-19 oo hada dhibaato xooggan ku haya bulshada Soomaaliyeed”. Ayuu yiri Wasiir Beyle.
Wasiirka ayaa tilmaamay in Dowladda UK ay ka mid tahay saaxibada Soomaaliya ee muhiimka u ah horumarka Soomaaliya, isla markaana garab taagan mar waliba.
Xafiiska Wararka Muqdisho.
info@aragticusub.com
