Wararka ka Imaanaya Gobolka Galgaduud ayaa sheegaya in kooxo hubeysan ay Dad shacab ah oo gaari saarna ku dileen Wadadau dhexeysa Cadaado iyo Gelinsoor
Maleeshiyo Hubeysan ayaa wadada u galay gaari jaad ka keenay Dalka Itoobiya kuna sii jeeday degaano kale oo ka Tirsan gobolka Galgaduud
Inta la Ogyahay 2 Ruux oo ka mid ahaa Dadkii gaariga saarnaa ayaa geeriyooday lamina soo sheegin Dad ku dhaawacmay Falkaasi
Xiisado ayaa haatan ka taagan goobta lagu dilay Dadkasi shacabka ahaa iyadoo ay baxsadeen maleeshiyada dil ka dambeysay
Gobolka Galgaduud ayaa muddooyinkii dambe Waxaa ku soo kordhay dilakka ay geysanayaan kooxaha maleeshiyaadka ah ee cidna aan ka amar qaadan.
Dhinaca kale Maamulka Galmudug ayaa lagu Eedeeyay in aysan waxba ka qaban dhibaatooyinka ay Dadka shacabka ah u geystaan kooxaha hubeysan ee Maleeshiyaadka ah.
Xafiiska Wararka Muqdisho
