Madaxweynaha Dawlada Federaalka Soomaaliya Maxamed C/llaahi Farmaajo iyo Ra’iisul Wasaaraha Xukuumadda Soomaaliya Xasan Cali Kheyre ayaa lagu wadaa in ay aadaan magaalada Dhuusamareeb ee xarunta Galmudug
Madaxweyne Farmaajo iyo Ra’iisul Wasaare Kheyre ayaa ogolaaday martiqaadkii Madaxda dowlad goboleedyada oo ahaa in Shir la isugu yimaado Dhuusamareeb, si looga arrinsado arrimaha doorashooyinka, kuwaas oo qeyb ka ahaa qodobadii ay ka soo saareen madaxda dowlad goboleedyada shirkii Dhuusamareeb.
Xog ay heshay warbaahinta Aragticusub ayaa waxa ay sheegaysa in Ra’iisul Wasaare Xasan Cali Kheyre uu Aadayo magaalada Dhuusamareeb saacadaha soo socda iyadoo Madaxweyne Farmaajo uu gaari doono Halkaasi maalmaha soo socda
Madaxda Dawlad goboleedyada ayaa weli ku sugan magaalada Dhuusamareeb iyadoo la filayo in ay la kulmaan madaxweyne Farmaajo iyo Raiisal Wasaare Xasan Cali Kheyre
