Magaalada Muqdisho Waxaa galabta ka furmay Koobka Janaraal Daauud ee Kubadda Kolayga ee Soomaaliya.
Koobkan oo ay ka qeybgalayaan 9 kooxood diyaargarowgiisana uu socday muddooyinkii ugu dambeeyay, ayaa waxaa ujeedkiisa lagu sheegay in lagu tayeeyo ciyaartoyda kubadda kolayga ee dalka iyo in laga soo xulo ciyaartoyda xulka qaranka matali doonta, iyadoo ciyaartoyda qaarna ay dibadda ka yimaadeen.
Waxaa galabta lagu furay Koobkan oo foodda is daray kooxaha Dekadaha iyo Juba Air, waxaana ay gusha raacday kooxda Dekadaha oo ku badisay 71 dhibcood halka Jubba air ay iyadana heshay 35 dhibcood.
Waxaa berri wada cayaari doonaa kooxaha Heegan iyo Wacaaf.
Koobkan oo la yirahdo koobka koobabka Soomaaliya ayaa waxaa la bilaabay sannadka markuu ahaa 1972-dii.
Waxa uu tartanka socon doonaa ilaa 12ka Abriil ee sanadkaan 2021
Xafiiska Wararka Muqdisho
Info@aragticusub.com
