Golaha Amniga Qaramada Midoobay, ayaa ku Taliyay in dib loogu noqdo wada-hadalladii u dhexeeyay dowladda Federaalka Soomaaliya iyo dowlad goboleedyada dalka ee ka socday xarunta Afisyooni.
Golaha Amaanka ee Qaramada midoobay ayaa shalay kulan gaar ah oo Irdaha u xiran yihiin ka yeeshay xaalada siyaasadeed ee Soomaaliya, gaar ahaanna Arrimaha doorashooyinka, kadib markii Baarlamaanka Soomaaliya u muddo laba sano ah u kordhiyay hay’adaha Dawlada Federaalka ee waqtiga uu ka dhammaaday .
Shirka Golaha Amniga, ayaa sidoo kale warbixin la xiriirta xaaladda Soomaaliya looga dhegaystay Danjiraha Qaramada Midoobay u qaabilan Soomaaliya James Swan.
Qarmada Midoobay waxay hore u sheegtay in aysan taageri doonin mudda kororsi, doorasho aan loo dhammayn iyo fal kasta oo keeni kara amni darro iyo khalalaase siyaasadeed oo colaad dhalin kara.
Xafiiska Wararka Muqdisho
Info@aragticusub.com
