Magaalada Baladweyne gaar ahaan Xaafadda Xaawo Taako ayaa xalay waqti dambe ka bilawday dagaal u dhaxeeya Ciidamada Daraawiishta DG Hir-Shabeelle iyo kuwo uu wato Gen. Abuukar Xuud.
Dagaalka oo mar joogsaday ayaa dib u bilawday, waxaana labada dhinac kala gaaray khasaare dhimasho & dhaawac, halka shacabka Xaafadda Xaawo Taako u bilaabay in ay isaga barakacaan Guryahooda si aanay waxyeelo u gaarin.
Iska hor imaadka ayaa ka dhashay kadib markii Madaxweyne ku xigeenka DG Hir-Shabeelle oo ah Ku simaha Madaxweynaha uu isugu yeeray Golaha Wasiirada si kulankooda uu uga dhaco Magaalada Baladweyne.
Xiisad dagaal oo ka dhalatay iska hor imaadka dhowrka jeer ka dhacay Xaafadda Xaawo Taako ayaa ka taagan Magaalada Baladweyne ee xarunta Gobolka Hiiraan, waxaana is hor fadhiya dhinacyadii dagaalamay.
Xafiiska wararka Muqdisho
Info@aragticusub.com
