Faah faaihno dheeraad ah ayaa waxaa ay kasoo baxayaan dagaalo culus oo deegaannada Raaxooy iyo Ceelka Geeloow oo kamid ah deegaannada hoostaga degmada Balcad ee G/Shabeellaha Dhexe ku dhex-marey Ciidamada Dowladda & Xubno ka tirsan Al-Shabaab.
Xubno ka tirsan Ururka Al-Shabaab ayaa waxaa la sheegay in kolonyo ka tirsan Ciidamada Burundi oo kamid ah AMISOM weerar jidgal ah ay ku qaadeen xilli ay marayeen deeganka Ceelka Gooloow oo u dhow Tuulada Qalimow ee degmada Balcad,waxaana halkaasi ka dhacay dagaal geystay khasaaro kala duwan.
Al-Shabaab ayaa waxaa ay xalay weerar ku qaadeen Fariisin Ciidamo ka tirsan Millateriga Soomaaliya ku leeyihiin deegaanka Raaxooy oo ku yaalla inta u dhaxeya degmada Balcad iyo Tuulada Qalimow ee Gobolka Shabeellaha Dhexe.
Goobjoogayaal ayaa waxaa ay sheegeen in deegaanka Raaxooy uu ka dhacay dagaal socdey in ka badan Saacad kaas oo dhex-marey Ciidanka Dowladda Soomaaliya iyo Xubno ka tirsan Ururka Al-Shabaab ee weerarey.
Sarkaal ka tirsan Ciidamada Dowladda ayaa sheegay inay iska difaaceen weerarka kaga yimid dhinaca ururka Al-Shabaab,isla markaana khasaaro ay ku gaarsiiyeen walow aysan jirin warar madax banaan oo xaqiijinaya.
Xafiiska Wararka,Muqdisho.
Info@aragticusub.com
