Diyaarado dagaal ayaa xalay waxaa ay duqeymo ka fuliyeen degmooyin ka tirsan gobolada Jubbooyinka iyo shabeellada Hoose.
Duqeymaha ayaa waxaa ay ka kala dhaceen degmooyinka Jamaame, Jilib iyo deegaanka Haway oo dhaca Gobolka Sh/ Hoose.
Ilo wareedyo ayaa Aragticusub u sheegay in degmada Jamaame ee Gobolka J/Hoose la duqeeyey Xero ay ku sugnaayeen Dagaalamayaasha Al-shabaab xilli halkaasi uu kulan uga socda dagaalamayaasha Al-Shabaab.
Sidoo kale degmada Jilib ee Gobolka J/Dhexe ayaa iyana waxaa ka dhacay duqeyn culus, waxaana halkaasi lagu dilay xubin sare oo ka tirsnaa Alshabaab.
Saraakiil ka tirsan militariga soomaaliya ayaa Aragticusub.com u sheegay in duqeyn kale oo sedexaad xalay ay ka dhacay deegaanka Haway oo dhaca Gobolka Sh/ Hoose, waxaana duqeyntaasi lagu dilay saraakiil sare sare oo ka tirsan Al-Shabaab.
Inta la ogyahay 2 sarkaal iyo 6 dagaalame oo ka tirsan Al-Shabaab ayaa lagu khaarijiyay duqeymo xoogan oo ka kala dhacay degmooyin ka tirsan gobolada Jubbooyinka iyo Shabeellada Hoose.
Dagaalamayaasha Al-Shabaab ayaa mudooyinkii dambe waxaa ay la kulmayaan duqeymo culus, iyadoona ay xusid mudan tahay in deegaano hor leh ay ka baxeen Al-Shabaab, kadib markii diyaaradaha aan duuliya laheyn ay duqeymaha la beegsadeen
