Wararka naga soo gaaraya Degmada Guriceel ee gobolka Galgaduud ayaa sheegaya in mar kale saakay halkaas uu ka bilowday dagaal u dhaxeeya ciidamada Galmudug iyo kuwa Ahlusunna Waljamaaca.
Dagaalka ayaa ka socda nawaaxyiga saldhigga booliiska Magaalada Guriceel, iyadoo la isku adeegsanayo hubka nuucyadiisa kala duwan.
Magaalada ayaa dadku intooda badani ka qaxeen goor hore, iyadoo guryo badan oo qaarkood laga guuray ay ku dhaceen madaafiic habow ah.
Inta badan magaalada Guriceel waxay hadda gacanta ugu jirtaa ciiddanka dowladda oo magaalada jihooyin kala duwan kasoo galay.
Dhimashada dad badan oo labada dhinac ah oo ay ku jiraan saraakiil ciiddan ayaa ku dhintay dagaalkii shalay ka dhacay magaalada Guriceel, oo ahaa dagaal culus oo saacaddo badan socday.
Xafiiska Wararka Muqdisho
Info@aragticusub.com
