Saraakiil ka Tirsan Ciidamada Xoogga Dalka Soomaaliya ayaa sheegay in ay hawlgal qorshaysan ku dileen ilaa 16 xubnood oo ka tirsan Al-shabaab kuwaas oo ay ku jiraan laba sarkaal oo sare.
Saraakiishu waxay sheegeen in Hawlgalkaasi qorshaysan Ciidamadu ka fuliyeen Degaanka Sham-garre oo hoosyimaada Degmada Awdheegle ee Gobolka Shabeellada Hoose halkaas oo ay ku sugnaayeen malayshiyaad ka tirsan Al-shabaab.
Hawlgalka Qorshaysan ee Ciidamada Miletariga Soomaaliya ay ka fuliyeen Degaanka Sham-garre waxaa looga hortagayay weeraro ay Al-shabaab doonayeen in ay soo qaadaan sida laga soo xigtay Saraakiisha.
Al-shabaab dhankooda weli kama hadlin sheegashada Ciidamada Miletariga Soomaaliya ee la xiriirta in ay laayeen xubno Shabaab ah sidoo kale ma jirto cid ka madax-bannaan dhinacyada oo warkaasi xaqiijisay.
Xafiiska Wararka Muqdisho.
Info@aragticusub.com
