Wararka Ka imaanaya Degaanka Yaaqbariweyne ee gobolka shabeelaha Hoose ayaa sheegaya in qof shacab ah lagu dilay Degaankaasi
Dad goob joogayaal ah ayaa Warbahinta Aragticusub u xaqiijiyay in qofka la dilay uu ahaa milkiilaha Ceel ku yaala deganka Yaaqbariweyne oo lagu magacaabi jiray Maxamed Ceel Jooge sidoo kalena ahaa Nabadoon Can ah oo si weyn looga yaqaanay degaanka Yaaqbariweyne ee gobolka shabeelaha Hoose.
Gudoomiyaha Degmada Leego Abuukar Isaaq Alcaadala ayaa ku Eedeeyay Alshabaab in Nabdoon Maxamed Ceel Jooge oo ahaa Milkiilaha Ceel ku yaala Yaaqbariweyne in dilkiisa ay ka dambeeyeen.
Dhinaca kale Alshabaab ayaa wararka ay sheegayaan in ay ku amreen shacabka degaanada Yaaqbariweyne iyo Leego ee gobolka shabeelaha Hoose in ay isga guuraan degaanadasi
Lama yaqaano sababta Alshabaab ay ugu amreen shacabka degan yaaqbariweyne iyo Leego ee gobolka shabeelaha Hoose in ay isaga guuraan halkaasi.
Xafiiska Wararka Muqdisho.
Info@aragticusub.com
