Dadka Barakacayaasha ah ee ku nool duleedka Magaalada ayaa xiliigaan waxaa la soo darastay xaalad Adag oo dhinaca Nolosha ah.
Qoysaskaan oo ku nool Kaamam ku yaala degaanada kala ah Garasbaaleey iyo Weydow ayaa ka soo barakacay gobolka shabeelada Hoose , waxaana ay codsadeen in loo soo gurmado maadaamaa la guda galay bishii barakeysneyd ee Ramadaan , isalamarkaana aysan heysan cuno ay ku Afuraan kuna saxuurtaan.
Dhinaca kale , La Taliyaha Arimaha Bulshada ee Madaxweynaha Koofur galbeed Mudane Maxamed Ibraahim Bilaal ayaa ugu baaqay Dawlada Federaalka Soomaaliya iyo Hay’aaha Samo falka in ay u gurmadaan Qoysaska barakayaasha ah ee ku nool duleedka Magaalada muqdisho islamarkaana ay garab istaagaan.
La Taliyaha Arimaha bulshada ee Xafiska Madaxweynaha Koofur galbeed Mudane Maxamed Ibraahim Bilaal ayaa tan iyo markii la magacaabay waxaa uu u istaagay sidii loo gargaari lahaa bulshada Somaaliyeed gaar’ahaan kuwa ka soo jeeda koofur galbeed ee ku dhibaateysan degaanno badan oo ka Tirsan gobolada dalka.
Xafiiska Wararka Muqdisho
Info @aragticusub.com
