Guddoomiye ku xigeenka Guddiga Xalinta Khilaafaadka Maxamed Ibraahim iyo Axmed Yusuf oo xubin ka ah guddiga ayaa kulan la qaatay Danjijaha Midowga Boqortooyada Ingiriiska Marwo Kate Foster.
Kulankan oo ka dhacay Xarunta Safaaradda Ingiriiska ee Muqdisho ayaa lagu lafaguray caqabada horyaala Doorashada iyo sidii kor loogu qaadi lahaa daahfurnaanta iyo kalsoonida Doorashada.
Qodobada kulanka looga hadlay ayaa waxaa ka mid ahaaahaa sida habracaayda Cabashooyinka Doorashada loogu sameeyn lahaa lahaa meertada doorashada, Shaacinta Odayaasha dhaqanka iyo Bulshada Rayidka ah ee xulaya ergada marka la joogo meertada koowaad Doorashada Dadban ee 2020/2021, iyadoo hoosta laga xariiqay inay waxtar u tahay hufnaanta Doorashada, Xaqiijinta Ergada iyo in Cabashooyinka la siiyo muddo lagu soo gudbisan karo dacwadaha.
Waxaana ay labada dhinac garawsadeen inay muhiim u tahay Daahfurnaanta Doorashada, Shaacinta Liiska musharixiinta iyo in dacwadaha doorashada ee lagu soo xareeyo mudooyinka loo asteeyay ayaa la isla gartay inay keeni karto hanaan garnaqsi oo hufan.
Sidoo kale, waxaa la bogaadiyay hanaanka daah-furnaanta leh ee Guddiga Maamulka Doorashooyinka Somaliland iyo siday u shaaciyeen odayaasha soo xulaya ergada iyo tababarkooda.
Ugu dambayn, Marwo Kate Foster ayaa ku nuuxnuusatay muhiimada GXKHDD iyo in la hufo wareega doorashada ee odayada, ergada, musharixiinta iyo maalinta Doorashada
Xafiiska wararka Muqdisho
Info@aragticusub.com
