Madax ka tirsan maamulka Puntland ayaa maanta Degmada Badhan ee gobolka Sanaag tababar ugu soo xiray dufcadii 2aad ee ciidamada daraawiishta oo ka baxay dugsiga General Giriin ee degmadaas.
Xaflada tababarka ciidamada loogu soo xirayay waxaa ka qeybgalay xubno uu ku jiro guddoomiyaha gudiga dib u habeynta ciidamada ahna wasiirka Maalyadda Xasan Shire Abgaal, wasiirka amniga Cabdisamad Maxamed Gallan, taliyaha ciidamadda daraawishta Gen. Yaasiin Cumar Dheere, xubno ka tirsan Baarlamaanka Puntland, maamulka gobolka Sanaag, kan dagmada iyo Saraakiil kale.
Madaxdaas ayaa salaan sharaf ka qaatay cutubyo ka tirsan ciidamadda tababarka loo soo xiray, kadibna ciidamada ayaa halkaasi ku soo bandhigaywaxyaabihii ay barteen muddadii tababarka ay ku jireen.
Xafiiska Wararka Muqdisho.
Info@aragticusub.com
