Warbaahinta ku hadasha Afka Al-Shabaab ayaa baahisay codka Amiirka Alshabaab Abuu Cubeyda Axmed Cumar isagoo ka hadlaya halgankii Daraawiishtii uu hogaaminayay Sayid Maxamed Cabdulle Xasan, kaas oo xiligiisii ay hadda ka soo wareegtay 100 sano.
Abuu Cubeyda waxa uu soo hadal qaaday halgankii Daraawiishta ee Sayidka iyo dagaalka ay Al-Shabaab ka wadaan gobolada Soomaaliya, wuxuuna sheegay inay is shaabahaan, maadaama sida uu sheegay xilligaas ay Sayidka iyo Daraawiishtiisa ay ka hiiliyeen dad Soomaaliyeed.
Waxa uu sheegay in dagaalada ay ka wadaan Soomaaliya ay kula jiraan shisheeye, balse shisheeyuhu uu gacan ka helayo dad Soomaaliyeed oo ka hiilinaya iyaga, sidauu sheegay Abuu Cubeyda,
Sidoo kale Amiirka Al-Shabaab Abuu Cubeyda waxa uu sheegay in maanta xaaladda ka jirta Soomaaliya ay ka darantahay tii Waagii Daraawiishta, oo shisheeyihii xilligaas ay hadda soo casriyoobeen, sida uu Hadalka yiri’ Amaiirka Alshabaab.
Xafiiska Wararka Muqdisho
Info@aragticusub.com
