Xildhibaannadii uu Gudoomiayaha Golaha shacabka ka joojiyay fadhiyada baarlamaanka Soomaaliya ayaa sheegay in aysan jirin wax sharci ah oo guddoomiye Mursal u cuskaday go’aanka kulamada looga joojiyay, isla markaana uusan jirin xeer u ogolaanaya inuu gaaro go’aankaas.
Xildhibaannadaasi ayaaGudoomiyaha Golaha shacabka Maxamed Mursal ku eedeeyay in uu meel uga dhacay xeer hoosaadka Aqlaka Hoose ee baarlamaanka Soomaaliya, uuna ku xadgudbay qodobo ku jira, uuna ku tuntay qodobka xarunta Golaha ka mamnuucaya in lala soo galo hub.
Waxay tilmaameen xildhibaanada in shalay ciidamo uu hoggaminayay sarkaal horay uga tirsanaa Al-Shabaab, oo magaciisa lagu sheegay Shakiib,uu ku sugnaa xarunta Golaha shacabka baarlamaanka, waxana ay sheegeen in loogu talagay in lagu handado xildhibaannada.
Sidoo kale xildhibaanada ayaa sheegay in ay soo gaartay farriin loo soo diray xildhibaannada Golaha Shacabka ayna tagayaan kulanka berry ka dhacaya xarunta villa Hargeysa wixii dhibaato ah ee soo gaara xildhibaannadana uu mas’uul ka noqon doono guddoomiye Mursal.
Xafiiska Wararka Muqdisho.
Info@aragticusub.com
